សំឡេងសន្តិភាព បង្កបរិយាកាសឱ្យសាលារៀនតាមតំបន់ជម្លោះអាចដំណើរការសិក្សាដោយស្នាមញញឹម
(ឧត្តរមានជ័យ)៖ នៅព្រឹកថ្ងៃសុក្រ ទី៣១ ខែតុលា ឆ្នាំ២០២៥ នាយក លោកគ្រូ អ្នកគ្រូ និងសិស្សានុសិស្សសាលាបឋមសិក្សាគោកប្រាសាទ ស្ថិតនៅសង្កាត់កូនក្រៀល ក្រុងសំរោង ខេត្តឧត្តរមានជ័យ រួមគ្នាសំអាតសាលារៀន ត្រៀមបើកបវេសនកាលឆ្នាំសិក្សាថ្មីឆ្នាំ២០២៥-២០២៦ ដែលនឹងធ្វើឡើងនៅថ្ងៃទី១ ខែវិច្ឆិកា ឆ្នាំ២០២៥។
សាលាបឋមសិក្សាគោកប្រាសាទជាសាលារៀនមួយកន្លែងដែលទាហានថៃ បានបាញ់ផ្លោងគ្រាប់កាំភ្លើងធំធ្លាក់ចូលទីធ្លាសាលាកាលពីថ្ងៃទី២៤ ខែកក្កដា ឆ្នាំ២០២៥។ មុនដំណើរការសិក្សានេះ អាជ្ញាធរបោសសំអាតមីន បានចុះមកបោសសំអាតអំបែងគ្រាប់ និងរាវរកយុទ្ធភ័ណ្ឌមិនទាន់ផ្ទុះរួចរាល់ហើយ ដើម្បីធានាសុវត្ថិភាពដល់សិស្ស។
ការសិក្សាជាតម្រូវការចាំបាច់សម្រាប់ផ្តល់ចំណេះដឹង និងបង្កើតបានធនធានមនុស្ស សំឡេងសន្តិភាពជាធាតុដ៏ចាំបាច់ញ៉ាំងឱ្យការសិក្សាដំណើរការទៅបាន។ លោកគ្រូ អ្នកគ្រូ និងសិស្សនៅសាលាជាយដែនមួយនេះ ប្រាថ្នាសំឡេងស្ងាត់គ្រាប់ សំឡេងសន្តិភាព ដើម្បីពួកគេអាចប្រៀន និងរៀនសូត្របាន៕
About news friends
DDD
0 comments:
Post a Comment