ឧបនាយករដ្ឋមន្ដ្រី ស សុខា សរសេីរអគ្គនាយកដ្ឋាន ៤ក្រោមចំណុះក្រសួងមហាផ្ទៃ ដែលបានដើរលឿនជាងគេ ក្នុងការអភិវឌ្ឍន៍ឌីជីថល

(ភ្នំពេញ)៖ ឧបនាយករដ្ឋមន្ដ្រី ស សុខា រដ្ឋមន្ដ្រីក្រសួងមហាផ្ទៃ បានថ្លែងកោតសរសើរចំពោះអគ្គនាយកដ្ឋានចំនួន៤ រួមមាន អគ្គនាយកដ្ឋានអន្តោប្រវេសន៍, អគ្គនាយកដ្ឋានអត្តសញ្ញាណកម្ម, អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ និងអគ្គស្នងការដ្ឋាននគរបាលជាតិ ដែលអភិវឌ្ឍន៍បច្ចេកវិទ្យា ឱ្យដើរលឿនជាងគេ ស្របតាមយុទ្ធសាស្ដ្ររបស់ក្រសួងមហាផ្ទៃ។

ការលើកឡើងរបស់ លោកឧបនាយករដ្ឋមន្ត្រី ស សុខា នាឱកាសអញ្ជើញជាអធិបតីបូកសរុបលទ្ធផលសន្និបាតត្រួតពិនិត្យលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់ក្រសួងមហាផ្ទៃ នៅថ្ងៃទី៥ ខែកុម្ភៈ ឆ្នាំ២០២៦។

លោកឧបនាយករដ្ឋមន្ត្រី ស សុខា បានមានប្រសាសន៍ថា «ក្នុងរយៈពេល ៣ឆ្នាំនេះ អគ្គនាយកដ្ឋានកំពុងដើរលឿនជាងគេ ក្នុងវិស័យឌីជីថលនេះ មានអគ្គនាយកដ្ឋានអន្តោប្រវេសន៍, អគ្គនាយកដ្ឋានអត្តសញ្ញាណកម្ម, អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ និងអគ្គស្នងការដ្ឋាននគរបាលជាតិ»។

ទន្ទឹមនឹងនេះ ប្រមុខក្រសួងមហាផ្ទៃ បានឱ្យដឹងថា ការរៀបចំកិច្ចការងារតាមប្រព័ន្ធឌីជីថល ពិតជាមានសំខាន់ ដើម្បីបម្រើឱ្យវិស័យការងារផ្សេងៗ៕